3 ngut ki samla ka jylla, ki la pass ia ka jing pynkhreh ban iakhun eksamin UPSC

Shillong: 3 ngut ki samla, na ka jylla, kiba kynthup ia U Nidakyrkhu Dkhar, U Anmiel Azareel Syiem bad U Thomas Edison Sumer, ki la pass ia ka prelim examination lane ka examination pyrshang jong ka Union Public Services Commission (UPSC), ba la pynbeit da ka AISPETC, kaba don ha ophis ka MATI, ha Mawdiangdiang bad katei ka Institute, ka ai jinghikai ia 125 ngut ki samla pule, ha kine ki ar snem ba ladep bad ki don 75ngut kiba sah hostel, kiba wan na sha ki bynta bapher ka jylla.

Na kitei ki 3ngut, u don uwei uba sah hostel bad u iathuh, ba ka jinglah jongu, ban leit thikna sha ki klas bad ialeh ia ki test, ka la plie lad, ba un pass ha kane ka eksamin. Ka Institute, ka dang pynkhreh bha, ia kitei ki samla, ba kin iakhun ia ka eksamin, ka ban long ha U Nailur 2023 bad ba kin jop, sa ar tylli ki eksamin, kiba dang sah. Na bynta katei ka eksamin UPSC, ki don 10lak ngut antad, kiba applai bad kiba shah jied, ba kin iakhun ia ki main exam, ki don tang 14hajar ngut.