3 na Laban, 3 na Nongmensong, 4 na Nongthymmai, 6ngut na Psiar; kiba ioh covid

Shillong: Kiba ioh pang covid thymmai, ki don 19 ngut baroh ha ka Jylla, ha kaba 12 ngut ki dei na East Kasi hills.

Na kitei ki 12 ngut, ki kynthup ia iwei i high risk contact, iwei ILI Case, 3 ngut na Laban, 3 ngut na Nongmensong, 4 ngut na Nongthymmai.

Ka West Jaintia Hills, ka don 6ngut bad kitei ki dei na Psiar bad ka Ribhoi District, ka don iwei, ha kaba i dei i high risk contact.

Kiba la dep test haduh mynta ka sngi, ki long 3,01,969 ngut bad ki bym don jingpang, ki long 2,88,444 ngut.

Kiba don ha ki jaka quarantine ka sorkar, ki long 56 ngut bad kiba don ha la ki jong ki iing, ki long 88ngut bad kiba wan sha ka jylla, haduh mynta, ki long 80,135 ngut. Ka East Khasi Hills, haduh mynta, ka don 8,365 ngut kiba ioh ia ka jingpang corona, ka East Garo hills 339 ngut, ka East Jaintia hills 528 ngut, ka North Garo Hills 117 ngut, Ribhoi District 1353ngut, South Garo Hills 198, South West Garo Hills 198, South West Khasi Hills 57 ngut, West Garo hills 1711, West Jaintia Hills 486 ngut, West Khasi hills 173 ngut.

Kiba iap na East Khasi hills, ki long 115 ngut haduh mynta.