3 kynta na 7 mer sha 4 mer, dheng kali ha Upper Shillong

Shillong, 10 ïaiong:
Ka jingdheng kali mynta ka sngi ha Upper Shillong, ka la long jan baroh shisngi, ha ka por mynsngi ka jingdheng kali ka la sdang tang na 7 mer shaduh 5 mer, hynrei ha ka por janmiet ka la nang jrong bad dei ha ka por ba la kem dum artad naduh ka por 6 baje eiei ba ka la jubor palat. Ka la shim por haduh 3 kynta ban iaid lynti na 7 mer sha 4 mer. Une u nongthohkhubor u dang iaid lynti na 7 mer ban leit sha 4 mer u la mih na 7 mer ha ka por 6 baje janmiet bad u la poi sha 4 mer haduh 9:15 minit baje mynmiet.
Ka daw jong katei ka jing dheng kali ka la mih namarba ka don ka jingsiang rong na 7 mer ter ter kaba la dang poi mynta ha Air Force. Ka jingdheng kali kaba kham sharum pat ka la mih namar ka jingiatynruh ki kali bad nalor nangta ka la don ka jingiaid ki trok kiba la kit jingkit khia. Katei ka jingbun kali mynta ka miet ka dei ruh namar ba ki don bunbah ki kali kiba dang wan phai na ka Shad Weiking.