2ngut, thung dkhot bujli ha NEC

Shillong, 1 Naitung:
U myntri ba peit ia ka tnat pynroi shatei mih ngi, U Dr Jitendra Singh, uba dei ruh u khlieh duh jong ka North Eastern Council (NEC), u la thung thymmai ia ki arngut ki dkhot jong ka Council, ha kaba kin trei kam, na ka bynta lai snem kynthih bad kitei kiba la thung, ki long U Chandra Kanta Das, U IAS, ba la shongthait na ka kam bad U Prof Gangmumei Kamei, uba dei uwei na ki nongthaw bad u nongtrei kam paidbah. Kitei ki arngut kin trei kam, kum ki dkhot ba pura jong ka NEC ha Shillong.
U Chandra Kanta Das,ula long teng U Chairman, Assam Electricity Board ha u snem 2008, ha kaba ula long ruh, u nongai jingmut ia u myntri rangbah ka Assam, naduh u snem 2011 bad hadien kata, ula don bynta bha, ha ki kam shakri paidbah. U Prof Gangmumei Kamei, ula shongthait kum u nonghikai History, jong ka Manipur University bad u dei uwei na kiba tbit bha kum u riew shemphang ha ka pule puthi bad uba tip bha ruh ia ka jinglong jingman ka dong shatei mihngi.
Kitei ki arngut ki dkhot, kin shim ia ka bynta jongki, hadien ba ki la iehnoh kam ki arngut ki dkhot jong ka NEC, U Ashoke K. Dutta bad U MP Bezbaruah. U Dr Jitendra Singh, u iathuh ruh ba yn sat hung shen ia u ophisar rangbah jong ka sorkar India, ba un long U Secretery ba thymmai jong ka NEC, hadien ba U Secretery barim, U Ameising Luikham, ula leit ban shimti kum U Secretery jong ka sorkar India, ha ka tnat Public Enterprises.