29tarik, yn shong kyrain ka UDP ha khmat Secrteriat Ba la jubor ka jinglip bor ding

Shillong, 25 Iaiong:
Ban pyrshah ia ka jingjur palat ka jingpynlip bording ha ka jylla, ka UDP kan pynlong ia ka jingshong myngor hakhmat Additional Secretariat ha ka sngi Hatmajai naduh ka por 10 baje mynstep haduh 5 baje janmiet
“Kum ka dak ban pyrshah, ngin pynlong ia ka jingshong kyr-ain ha ka sngi Hatmajai”, la ong u working president ka UDP u Bah Jemino Mawthoh uba dei ruh u MLA ka Nongthymmai.
U Bah Mawthoh u la iathuh ba ki nongialam ba khmat ka seng bad ki nongkitkam bad ki dkhot kin iashim bynta ha kane ka jingiashong kyr-aon.
U la kyntu ia ki paidbah baroh ba kin wan ban iashim bynta ha kane ka sngi.
“Ngin pynlong ia ka jingiakhih ba jai jai ban pynsngew ia ka jingbym lah ka sorkar ban weng ia ka jinglip bording kaba la jur bha ha kane ka jylla kaba la ktah jur ia ki paidbah”, la ong u Bah Mawthoh.
Na ka liang ka KHNAM ruh ka la pyrshah jur ia katei ka ingleh ka tnad MeECL ha kaba ka la kyntu ia ki paidbah ba kin mih madan ban pan jingpynshai na katei ka tnad balei hap ban pynlip bording da ki bun kynta ha ka shisngi. ‘Mih paidbah! Wat ia ailad ia katei ka jingleh donbor ka sorkar’ ka dei ka kyrwoh na ka KHNAM. Ha ka juh ka por ka KHNAM ka la dawa ba u Myntri Rangbah ka jylla u Dr.Mukul Sangma bad u Myntri ba dei peit ia ka tnad bording u Clement Marak ba kin hiar noh na ka shuki ba ki shong , namar ba kat ha kat kane ka saw ka sian ba ki paidbah ki ia kynduh jngeh pynban kitei ki nongsynshar ia ka jylla ki jah rngai na ka jylla.