Ki nongrep, kiba pynlong jing iakhih pyrshah ia ka sorkar India, ki la rai ba kin sdang iakren biang bad ka sorkar India, naduh ka 29tarik Nohprah 2020, ong U Rakesh Tikait, nongialam ka kynhun ki nongrep.
La shim ia katei ka rai, ha ka jingialang jong ka Sanyukt Kisan Morcha, kaba dei ka kynhun jong ki 40 tylli ki seng nongrep, kiba ia lum lang mynta ha khappud jong ka nongbah Delhi ban pyrshah ia ka ain nongrep jong ka sorkar India.
Ha kawei pat ka khubor, ka seng Rashtriya Loktantrik Party (RLP), kaba dei ka seng synrop jong ka National Democratic Alliance (NDA), ka la rai ban mih noh na katei ka kynhun iatreilang bad ka BJP.
U Nongialam katei ka seng, U Hanuman Beniwal, uba dei U MP na Nagpur, ula rai ruh ban resain noh na ka jinglong dkhot ha ka dorbar Lok Sabha, lada ka sorkar India, kam weng noh ia katei ka ain nongrep.
Phi don ban ong eiei?