29 tylli ki masi kurup ki BSF

Shillong, 20 Risaw:
Ki shipai Border Security Force (BSF) ki la ioh kurup 29 tylli ki masi  na Tuka, Muktapur na West Jaintia Hills district ka jylla Meghalaya bad na Nilwagiri, South Garo Hills district.
Kine ki masi ba ki shipai BSF ki ioh kurup ki shongdor 3.89 Lak.  Ia kine ki masi ba ioh kurup la thmu ban shalan sha Bangladesh. Katba ki nongkhaii masi tuh ki la phet krad noh shwa ba ki shipai BSF kin iohkem ia ki namar ka jingdum jong ka miet.
Ha kane ka taiew ki shipai  BSF ki la ioh kurup ruh 119 tylli ki masi, ki dieng, 20 tylli ki lieng, 663 bilor kyiad bad 1850  tylli ki siej kiba shongdor T.33.20 Lak. Ia kine la thmu ban shalan  na khappud jong ka ri India sha ri Bangladesh.Halor kine ki jingjia ki shipai BSF ki la pynlong ia ka jingpeitngor ban lap ia kiba shalan tuh ban khanglad ia ki kam beain.