29 tarik khot ka sorkar, ia ki 13 seng halor ka ILP

Shillong, 17 Iaiong:
Ka sorkar jylla ka la khot iakren ia ki 13 seng bhalang ban iakren ia ka ILP ha ka 29 tarik Iaiong.
“Ia ka shithi sha ki sengbhalang la phah ha kane ka sngi Palei. Hynrei kiba bun ki sengbhalang kin sa ioh pdiang ia ka shithi ha ka sngi Nyng kong”, la ong uwei u heh sorkar, ha ka sngi Palei.
Ki 13 tylli ki seng bhalang kiba dawa ban pyntreikam ia ka LP ki la pynpaw ia ka jingsngew bynniaw ba ka sorkar kam shym la jubab ia ka shithi ba ki la thoh ha kine ki sngi ban khot iakren biang halor ka ILP.
“Ka la long ar taiew ba ngi la phah ia ka shithi. Hynrei ka sorkar kam pat jubab kaba long kaba sngewsih”, la ong u general Auguester ka
KSU u samla Jyrwa.
U general secretary ka KSU u la ong ba ka jingiakren kaba ar bad ka sorkar kan long kaba donkam bha ia ki sengbhalang bad ka sorkar jylla halor ka ILP.
“Ngin aiti ia ki jingdawa jong ngi ha ka sorkar ha ka jingiakynduh ban long shen”, u la ong u samla Jyrwa.
Ki 13 sengbhalang kiba dawa ia ka ILP ki la kdew ba kin aiti ia ki jingdawa jongki sha ka sorkar halor ka jingdonkam ban wanrah ia ka ILP ha kane ka jylla.
“Ki jingdawa kin long ban pynkhlain ia ka Bengal Eastern Frontier Regulation 1873,” la ong u samla Jyrwa.
U la ong ba ka jingpynkhreh ia ki jingdawa ban buh hakhmat ka sorkar ka long hadien ba la pule bniah ia ki52 tylli ki ain ba ka la ai kham mynshwa.