29 ngut ki kyrtong MDC ka Congress ha GHADC

Shillong, 13 Nailur:
Ha ka sngi saitjain jong ka taiew ka seng Congress ka la pynbna ia ki 29 ngut ki kyrtong jong ka kiba ban ia khun ha elekshon MDC ha GHADC ka ban long ha ka 12 tarik u risaw. Na ka thup kyrteng jong baroh ki kyrtong la iohi ba la don ruh ka kyrteng jong ka kurim u myntri ba peit ia ka tnad ialehkai ka sorkar jylla u Zenith Sangma. Ka kurim u Zenith ka Sadhiarani M Sangma kan ia khun na Dengnakpara konstitwensi.
Ka la mih ka jing iakren ha kine ki sngi ha ri Lum Garo halor ka jingai tiket ka seng Congress ia ka kurim jong u Zenith Sangma ha kaba la ong ba ka seng Congress ha ri Lum Garo ka la jan kylla ka seng shi ing shi sem hi kaba yn mih khmat beit da ki briew kiba na ka juh ka ing. U Zenith Sangma u dei u para trai jong u myntri rangbah ka jylla u Dr.Mukul Sangma bad ka la mih ka jingiakren ba u Dr.Mukul u la dep ban pynkylla nongmihkhmat paidbah ia ka lok lajong ka Dikanchi Shira bad kumjuh ruh ia u para lajong u Zenith Sangma bad mynta pat sa u Zenith u la mut ban pynkylla nongmihkhmat ia ka kurim lajong ka Sadhiarani M Sangma.
Ki 29 ngut ki kyrtong MDC ba ka seng Congress ka la pynbna ha ka sngi saitjain ki kynthup ia u Chairman ka GHADC u Purno K. Sangma na Jengjal konstitwensi, u CEM ka GHADC u Alphonse A. Sangma na Siju konstitwensi, u MLA barim u Ismail R. Marak na Asanang konstitwensi, u Freedarson N. Sangma (Wagesi), Jeshwell Ch. Marak (Silkigre), Willy D. Shira (Rongrikkimgre), Olendro R. Marak (Gasuapara), Silgra Marak (Barengapara), ka Christilla M Marak na Babelapara konstitwensi, u Dulal Ch Sangma na Tura, Minggen Ch. Marak (Amongpara), Sadhiarani M Sangma na Dengnakpara, Stevie M. Marak (Boldamgre), Moppish R. Marak (Nogorpara), Jogadish Ch. Hajong (Zikzak), Malcolm M. Sangma (Rochonpara), Septerwin R. Sangma ( Batabari), Monirul Islam na Balachanda konstitwensi, Joyson R. Marak (Raksamgre), Dhormonath Sangma (Naguapara), Thomson N. Marak (Rongrong), Jogonsing D. Sangma (Bolsong), Smith Momin (Kharkutta), Lahitson M. Sangma (Samandagre), Builthon N. Sangma (Darugiri), ka Jinggie D Shira na Damas, Sader Hussain na Shyamnagar konstitwensi bad Sengbath Marak (Williamnagar).