28ngut kiba ioh pang covid thymmai ha ka Jylla, 26 na East Khasi

Shillong:Kiba ioh pang covid mynta ka sngi, ki long 28 ngut baroh bad na kitei ki don 26 ngt kiba ioh pang ha East Khasi Hills bad kitei ki kynthup ia 13 ngut kiba wan phai na shabar, 4ngut ki shipai, uwei u health worker, 4 ngut ki high risk contact, uwei u pulit bad 3ngut kiba leh screening.

Ha East Jaintia Hills, don iwei i high risk, iba ioh pang covid bad ha Ribhoi iwei iba wan na shabar, iba ioh ia katei ka pang khlam.

Baroh kiba don jingpang, ki long 190ngut bad ka East Khasi Hills, ka don 156 ngut, ha kaba 138ngut ki dei ki riew paidbah. Ha West Khasi Hills 2ngut, ha South West Khasi Hills iwei, ha Ribhoi 14ngut, West Jaintia Hills 6ngut, East Jaintia Hills 5ngut, West Garo Hills 6ngut.

Baroh kiba la jem ki long 13,933 bad kiba iap, ki long 151. Kiba jem mynta ka sngi, ki long 40ngut.