New Delhi: Ka jaka lehniam ha Haridwar jong ka Uttarakhand, ka la kylla long ka thymmei bah jong ka khlam corona virus bad hynnin ka sngi, ki don 594 ngut kiba ioh ia katei ka jingpang bad haduh mynta, kiba ioh ia ka khlam corona, ki la poi sha ka 2,812 ngut. Ha ka Sngi nyngkong, ki don 408 ngut kiba ioh pang bad ka Uttarakhand, ka don 1,925 ngut baroh kiba ioh pang, kynthup ia 13 ngut kiba iap ha ki 24 kynta ba ladep.
Ki don mynta kum shi million ngut, kiba leit ban ia sum lang ha ka Wah Ganga, kum shi bynta jong ka jingrakhe ia ka Kumbh Mela ha Haridwar. Ha ka sngi nyngkong, kaba dei ka sngi rakhe ia ka Shahi Snan, lane ka jingsum ban ioh jingkhuid, ki don da ki lak ngut kiba leit ban ia sum ha ka Wah Ganga.
Shi million dei 10 lakh