280 ngut ioh jingsumar khmat ki paidbah Wahthapbru

Shillong, 27 Jylliew:
Kumba 280 ngut ki nongshong shnong ka Wahthapbru ki la ioh jingsumar ei ba la pynlong da ka shnong ryngkat ka jingiatreilang bad ka Bawri Nethralaya, hynne ka sngi Thohdieng hapoh Commu nitty Hall jong ka Wah thapbru.
Ka Kong Roshan Warjri ka myntri kam pohiing ka jylla kaba dei ruh ka nongmihkhmat jong kane ka thain ka plie ia kane ka Free Eye Camp.
Haba kren lyngkot ha kane ka jingialang ka Kong Warjri kala ong ba ka jingpynlong ia ka jingai jingsumar ia ki khmat ka long ka kam kaba bha kaba ka shnong Wahthapbru kala leh bad ka long ka jingkyrkhu ia ki longing longsem kiba duk.
Ki doktor jong ka Bawri Nethralaya kila don ban ai jingsumar ia ki paidbah kiba pang khmat kiba har rukom. Naduh kiba dang rit haduh kiba la heh, ki la wan ban shim ia kane ka lad ban shah sumar khmat ei na ki doktor ka Nethralaya, bad la ai ei ruh ia ki dawai dashin.
U Rangbah Shnong ka Wahthapbru u bah Raja Chullai bad u Pawan Bawri ki la iadonlang ha kane ka jingialang ryngkat ki nongkitkam shnong, Seng Samla bad Seng Longkmie bad ia kane ka jingai jingsumar ia ki khmat la pynlong kum shi bynta jong ka jingrakhe dap 50 snem jong kane ka Shnong.