Shillong 6 Rymphang: U Lamphang ka Iingdorbar Thaw Ain , u Thomas Sangma ha ka 6 Tarik Rymphang 2025 , ula lum ia ka jingialang Jong ka Business Advisory Committee (BAC) ka ingdorbar thawain kaba la shim bynta da u u Symbud Myntri Rangbah ba khmih ia ka Parliamentary Affairs Bah Prestone Tynsong, u Nongialam ka Liang Pyrshah Dr Mukul Snagma, u Nongialam ka Trinamool Congress Bah Charles Pyngrope, u Nongaibuit ka Sorkar Bah Lahkmen Rymbui bad kiwei kiwei.
Haba kren sha ki ladpathai khubor u Lamphrang ka ingdorbar thawain ka Jylla u Thomas Sangma u la iathuh ba ka Dorbar mangtyngka Jong u snem 2025 ,kan sdang ha ka 28 Tarik u Rymphang bad kan kut haduh ka 13 Tarik u Lber .
Ka Dorbar Mang tyngka kaban sdang naduh ka 28 Tarik Rymphang kan neh haduh 10 sngi ha kaba lai sngi kan long na ka bynta ki kam MLA shimet bad hynriew sngi kan long na ka bynta ki kam ka Sorkar Jylla.
U Thomas Sangma u la iathuh ba Mynta ka sngi ha ka jingialang Jong ka BAC la rai ban pynlong ia ka dorbar mangtyngka Jong u snem 2025 .
Haba kylli halor ka jingaipor ba 3 sngi , Kum ki kam jong ki MLA shimet shimet, ka la biang u Lamphang ula ong , “nga tharai lai sngi ka la biang palat na ka bynta ia ki Kam MLA shimet , namar kne ka dei ka dorbar mang tyngka , kaba don kam ban iatai halor ka mangtyngka”.
Hakane ka dorbar hap ban iatai halor ka mangtyngka lai sngi bad 2 sngi kan long ka jingkren na u Lat ka Jylla , ha kaba i ka mang tyngka yn lah ban wanrah ha ka 5 Tarik u Lber hapoh ka Ingdorbar.
U la ong ruh ba baroh ki Dkhot hapoh ka Ingdorbar kin sa ioh ia ka lad ban shim bynta ba kin wanrah ia ki mat iatai hapoh ka Ingdorbar bad lada ka don ka jingduna ha ka por ngin sa pynjlan ia ka por .
Haba ia dei bad ka ingdorbar ba thymmai, u Lamphrang u la ong ba ngim kwah ban leh sted ban pyndep ia ka ingdorbar thymmai , namar ngin hap buh ha khmat ia ka jingshngain hynrei ngin pyrshang ban pyndep noh khnang ba ka dorbar synrai yn ioh pynlong noh ha ka ingdorbar thymmai.Kumba ka long Mynta ka jingtei ia ka ingdorbar thymmai la dep haduh 90% .
Phi don ban ong eiei?