28 ngut ki high risk contact na ki 41 ngut ha East Khasi Hills, ngat 3 ngut ki nos ka Ganesh Das Hospital

Shillong: U Dr. Aman War, DHS(MI) u la iathuh ba na ki 77 ngut kiba ioh ia u khñiang jingpang COVID-19 ha ka kylla, ha East Khasi Hills ki don 41 ngut bad na kine ki 28 ngut ki dei ki high risk contact, iwei i dei na ka armed forces, iwei i dei I Influenza Like Illness(ILI), 2 ngut kidei ki SARI case, iwei i dei na armed forces, 3 ngut ki dei ki staff nurse ha kaba 2 ngut ki dei na Ganesh Das bad iwei idei I Grade IV staff, 3 ngut ki dei ki security guard ha IIM bad 2 ngut kidei ba wanphai na shabar.

Ha South Garo Hills, ki don 2 ngut kiba wanphai na shabar bad iwei I high risk contact, ha East Garo Hills ki don 2 ngut kiba dei ki high risk contact, ha Ri Bhoi ki don 16 ngut ha kaba 14 ngut kidei ki high risk contact bad 2 ngut ki armed forces, ha West Garo Hills ki don 2 ngut kiba wanphai na shabar bad iwei i dei I high risk contact.