28 ’lyngkot, jingialang RBYF

Nongpoh, 24 ’lyngkot:
Ka Ri Bhoi Youth Federation ka la pyntip sha baroh ki dkhot ka seng ba kan don ka General Council ha ka 28 tarik u Kyllalyngkot naduh ka por 10 baje mynstep ha Indoor Stadium ka NSCA ha Nongpoh.
Katkum ka tyllong khubor ba la pynlait da u General Secretary ka RBYF, u Bah A.G Sten u la ong ba ka sengkmie, ka la kyrpad ia baroh ki dkhot bad ki nongialam ka RBYF naduh ki Unit, ki Circle bad ki Zone bapher bapher ba kin iapoi khnang sha katei ka General Council ka ban sa long ha katei ka sngi bad ka seng ka khmih lynti ruh ba ki para dkhot bad nongialam kin poi ryntih ha katei ka sngi.
Shuh shuh, u la pyntip ruh ba kin don shibun ki kam jong ka seng ba hap ban ia pyrkhat bad ban ia tai sani ha katei ka sngi bad ka seng ka khmih lynti ruh ba kane ka general Council kan long kaba jop na ka bynta ban pyrkhat ia ki kam ka seng ba kum seng ka dang angnud ban dang pyniar ia ka jingshakri na ka bynta ka bha ka miat, ka suk ka sain bad ka roi ka par jong ki paidbah ha ka dong Ri Bhoi.