Shillong:Ka dorbar Raid Kongthong Sohra Syiem ship, hapoh ka jingialam jong u bah Teibor Lynrah, u sordar jong ka Raid, ka larai ban pynlong ia ka shad puja jong ka Raid.
Ha ka 28 tarik kan don ka Puja ka pukan jong ka Raid kaba dei ka lehniam leh rukom ban ai ka nguh ka dem ia u Blei Trai kynrad Nongbuh nongthaw, ka ban sdang haka por 4baje janmiet ha madan Ñiangpyrhai Kongthong, katba ha ka 29 tarik iaiong 2023, kan don ka shad Ksiar shad rupa jong ki Rangkynsai bad ki thei sotti nylla, ka ban long ha madan Dah ksang kongthong ka ban sdang, naduh ka por 11baje mynstep haduh ka por 5baje janmiet. Kumta ka Raid kongthong ka khot ka wer sngewbha ia baroh ki paralok parajor ki kur ki kha na kylleng ka bri u Hynniewtrep, ba kin wan ban sakhi bad iashim bynta lang khnang ba ka shad ka kmen jong ka Raid kan long kaba phuh ba phieng, ong ka kyr woh na u Bah Stogent Lynrah, Secretary jong ka Raid Kongthong.
Phi don ban ong eiei?