27tarik, burom jingisnei Blei

Shillong,22 Iaiong:
Ha ka 27 tarik mynta u bnai kaba dei ruh ka sngi u Blei, kumba ju long manla u snem ka Devine Mercy Lay Apostolate , Shillong Archdiocese kan rakhe ia ka ‘sngi burom ka jingisnei jingblei’ (Feast of the Divine Mercy) ha Ïingmane Bah Laitumkhrah, Shil long, naduh 1.00 baje Nohsngi bad yn pynkut da ka Jingkñia Mass 3.00 baje.
Ha katei ka sngi kan don ruh ka jingkynmaw kyrpang ia ka jingriewkhuid ha Rome ha kane ka sngi ia 2 ngut ki Pope bakhraw- Pp John Paul II bad Pp Ioannis XXIII. Ia ki paidbah ba don habar ïingmane yn sa pynbiang ki shuki bad ki TV Screen baheh. Yn pyni Live Telecast ruh ha katei ka sngi . Ha bakut ka Mass Bakhuid, yn sa pyllait ia ka Kot bad ka CD Album jong u Rev Fr Francis Kharwanlang, ka kot ba la ai kyrteng “u jisu – ka jingisnei jingblei : ka khubor bad ka jingriewblei – ki dak ki shin ha sahit bneng; CD Album: “phah jingshai” ba rwai da i kong Adlyne Khonglam & Kynhun.