27 tarik yn ia lehkai Maw point ki MDC kynthei

Shillong,24 Jylliew:
Ha ka 27 tarik mynta u bnai (lah sngi u blei) ka KHADC kan rakhe ia ka lyngkhuh sngi jong ka District Council kaba la tip kum ka ‘Council Day’ bad ha katei ka sngi ka KHADC kan pynlong ia ki prokram bapher bapher kum ka dak ka jingrakhe.
Ha ka por mynstep 8 baje kan don ka jing ialehkai phutbol hapdeng ki MDC bad ki nongtrei ka district Council ha Madan heh, Mawplai Phudmuri.
Hadien katei ka jingialehkai pat kan don sa ka jingialehkai Maw point hapdeng ki MDC kynthei bad ki nongtrei kynthei ka KHADC. Ha ka por mynsngi ha ka por 1 baje kan don ka jingiathirnia halor ki mat kiba ia dei bad ka imlang sahlang.