27 ne 28 tarik lah ban wan Shillong u Modi

Shillong 05 Jymmang:
U Myntri Rangbah duh ka ri u Narendra Modi u lah ban wan iuhkjat ha Shillong ha ka 27 ne 28 tarik mynta u bnai. Katkum ka jingtip ba la ioh la iathuh ba ia mynta ym pat lah ban pynthikna namar ba ka dang don ka jingiakren khamtam ka jingpynkhreh ia ka bor pynshngain ne bor pahara.
U nongthoh khubor u la ioh ban iakren bad ki nongialam ka BJP ha kane ka jylla, ki la iathuh ba ki dang iakren mynta bad u Myntri Rangbahduh ka ri halor kane ka kam namar kan sa don ka jingialang.
“Ka don ka jing iakren ka dang iaid tangba ym pat thikna namar ba lada biang ka bor pahara ka jingshngain u lah ban wan ban iadon bynta ha ka jingialang ha kane ka nongbah”, la ong u heh nongialam ka BJP.