26 tarik yn rakhe ka HSPDP ia ka lyngkhuh sngi iap U Maieid Hoping

Nongstoin, 22 Nailur:
Kum shi bynta ban kynmaw burom ia ka lyngkhuh sngi iap kaba shi snem jong u nongialam ba radbah jong ka party HSPDP u Maieid Hoping-stone Lyngdoh ba la bam kwai ha dwar u Blei, ka seng HSPDP Nongstoin Area Unit ryngkat ka Central Body kan sa pynlong ia ka jingrakhe kynmaw burom kaba kyrpang ha Nongstoin.
Katkum ka kyrwoh lyngba u Secretary jong ka party bah Kwik Lyngdoh la ong ba ia katei ka jingialang rakhe lyngkhuh jingdap ba shisnem jong ka jingkhlad noh jong u (L) Maieid Hoping Stone Lyngdoh, yn pynlong hapoh ka phyllaw jong ka IB PWD Upper New Nongstoin ha ka 26 tarik mynta u bnai.
Shuh shuh u la iathuh ruh ba ha katei ka sngi u Bah Ardent Miller Basaiawmoit President Rangbah jong ka Seng un don ryngkat, kumta na ka liang jong ka party ka khot ka wer ia baroh ki Nongsynshar Shnong, ki nongialam sengbhalang bad kiwei kiwei de ki riew paidbah, nangta ki nongialam jong ki seng sain pyrthei bapher bapher ban ia don ryngkat ha katei ka sngi.