Shillong, 24 Iaiong:
Ki nongialam ka UDP, kynthup u President ka seng u Dr Donkupar Roy kin hiar sha Garo Hills ha ka 26 tarik mynta u bnai, ban iakynduh ia ki nongialam ka seng bad kin kren ruh ha ka jing ialang paidbah ban long ha Baksawpara.
Ha kane ka jing ialang, ka UDP kan sa pynbna paidbah ruh ia ka rai jongka ban ai ia ka jingkyrshan ia u kyrtong ka NPP u Conrad K Sangma ha kane ka elekshon shiteng samoi na Tura kaban long ha ka 16 tarik Jymmang.
“Ka jingleit sha Garo Hills kan long ban iakynduh ia ki nongialam ka party ban pynkhlain ia ka party”, la ong ka khubor na ka UDP.
Nalor u Dr Don, yn leit ruh kiwei ki nong ialam ba kham rangbah ka party.
Phi don ban ong eiei?