Shillong,23 Naitung:
Ka state Co-ordination Committee of coal Owners , Miners & Dealers Forum kan pynlong ia ka jingialang paidbah jong ka ha ka 26 tarik mynta u bnai ha Iew Nongjri (Borsora) ha ka por 12 baje mynsngi. Ia katei ka jingialang paidbah la pynkhreh da ka Meghalaya Mine Owners & Exporters Association. Ha katei ka sngi kin ia donlang ki MLA bad MDC jong baroh ki liang , ki Rangbah Shnong ha ryngkat bad ki paidbah kiba trei bad im jakpoh na ka kam trei dewiong. Ha katei ka jingialang yn ai ia ka kaiphod halor ki kam bad ki jingpynshai jong ka Forum bad yn ia kren beit tang ka kam kaba ia dei bad ka jingshah khang tih bad ban die ia u dewiong ba la dep sei shabar, ong ka kyrwoh na u bah M.Kharkongor Secretary katei ka Forum.
Phi don ban ong eiei?