25tylli ki karkhana coke, ki trei beain ha East Jaintia, ujor ka HITO sha U MR

Shillong:Ka seng Hynniewtrep Integral Territorial Organisation (HITO), ka la thoh myn hynnin ka sngi, sha U Conrad K Sangma, myntri rangbah ka jylla, halor ka jingdon ki karkhana beain, kiba shna Coke ha East Jaintia hills District.

Ka dorkhas jong katei ka seng, ka iathuh ba ki don mynta 25 tylli ki karkhana coke, kiba trei kam man ka sngi ha East Jaintia hills district bad kitei ki karkhana, ki trei kam, khlem da ioh ia ka jingbit kaba thikna, naduh ka kyndon iada mariang bad mynta, ka la mih ka jing ujor, ba ki la pynjaboh ia ka lyer ha katei ka thain.
Katei ka seng, ka dawa namarkata, ban pyn sangeh shi syndon ia kitei ki karkhana beain.