|
Shillong: U khlur ialehkai kriket barim ka India Sourav Ganguly un ban jngoh ia ka nongbah Shillong ha ka 25 tarik mynta u bnai. U Sourav Ganguly uba dei ruh u kapten barim bad uba long mynta u Chairman ka BCCI Technical Committee nalor kum u president CAB un iadon bynta lang ha ka jingplie ia u mawnongrim na ka bynta ban shna ia ka madan hikai kaban don lang ka jaka kilanmet ha madan kriket Polo, Shillong. Ha kane ka sngi, u myntri rangbah ka jylla u Conrad K Sangma un plie ia kane jaka hikai.
Kane ka jingwan jong u Sourav ka long hadien ka jingiakren u Naba Bhattacharjee u Secretary ka Meghalaya Cricket Association (MCA) dang shen ha Kolkata.
Ha kane ka jingwan, u Sourav un iakynduh ia ki heh ka MCA ban iakren ia kam ban kyntiew ia ka jingialehkai kriket ha kane ka jylla. Nalor u Sourav, yn wan lang ruh u Amitabh Choudhary u Acting Secretary BCCI.
|