Shillong: Ka 1st St.Joseph’s School phutbol Tournament 2019-20 ka la jan poi sha kaba kut ha kaba la ioh ban rung final da ka kynhun “Lia Tu Phrang United Fc” bad ka kynhun “Turiap Fc”. Ka jing iakhun khatduh iaka semi final ka la long mynta ka noh phaisngi 21.1.2020 hapdeng ka NH6 Fc pyrshah iaka Turiap Fc.
Ha katei ka jing iakhun khatduh iaka semi final, ka jingialeh hapdeng ki tei ki artylli ki kynhun ka long kaba shongshit haduh katta katta.Hapdeng ka jingialeh la ioh ban thep kul nyngkong daka Turiap Fc bad hashwa ban kut ka shiteng half ka NH6 Fc kala ioh ban pynphai kylla iaka kul bala thep da ka Turiap Fc.
Ha ka 2nd half ka jingialeh kala nang khluit shuh shuh, bad hapdeng ka jingia risa jam daki nongkyrshan baroh ar tylli kitei ki kynhun, ki rang kynsai baroh ar tylli kitei ki kynhun ki ialeh shitom haduh katta katta ban ioh thep kul hynrei hapdeng ka jingialeh kaba jwat ym don ba lah ban pyntam kul wat hadien bala kut ka por bala ai tam (extra time) hynrei ka jingialeh ka long mar-shikul.
Ha katei ka jingialeh la poi shaka jingiashut penalty hakaba ka Turiap Fc ka la ioh saw kul, katba ka NH6 kala ioh tang ar kol bad kumta ka Turiap Fc ka la ioh ban rung sha ka final.
Ia ka final yn sa pynialeh haka 25tarik mynta u bnai ha ka por 1baje shiteng nohphai sngi ha Nongtalang Madan Shingtoi Play Ground hapdeng ka “Lia Tu Phrang United Fc” pyrshah iaka “Turiap Fc”. Ha katei ka sngi ka kynhun kaba jop kan ioh ia ka khusnam Arlak Tyngka katba iaka kynhun kaba shah jop kan ioh Shilak Tyngka.
Ha katei ka sngi ban pynsa ialeh ia ka final kan don ruh ka jingpynbyrngia iaki paidbah ba wan ban pynshongshit, da ka rwai ka siaw ha kaba yn wan rwai da u Samla ka thaiñ u Dimanlang Myrchiang bad ka kynhun “Sisters Rymbui”. Kitei ki artylli ki kynhun ki ban rwai ban siaw ki long kiba la ju shim bynta teng haka Jaiñtia Got Talent ha u snem 2019 bad kila poi ruh shaduh ka final.
Nalor nangta haka por 5baje shiteng nohphai sngi hadien ba ynda ladep pynialeh iaka phutbal final, yn ioh ruh iaka rwai ka siaw ban wan rwai da u DJ.Ban shan ryngkat bad u DJ.Spread Base.
Ha ka Tournament ka ban sa wan haka samoi tlang 2020-21, ka thong ka lah ban poi shaduh 4 lane 5lak Tyngka hynrei wat la katta ruh, ioh lehse ka lah ruh ban nang kham heh iakata hynrei wat lakata yn sa rai ynda la dep ban lum iaka Meeting community, ong ka kyrwoh na u Chairman phutbol committee u Ma Martin Vicky Bareh.
Phi don ban ong eiei?