Nongstoiñ: Ka Laitkseh Sport Club kaba dei kawei na ki kynhun pyniaid Football ba paw hapoh West Khasi Hills District hadien ba kala dep ban pyniakap ia ki kynhun kala pynbna paidbah ba ia ka lympung ialehkai phutbol mynta u snem ia kaba yn khot ruh kum ka CMiv LPFT (Laitkseh Premiere Football Tournament 2019-20) yn sdang noh ha ka 25 tarik mynta u bnai ha ka madan Mawkynjoin ha Laitkseh.
Ki team lane ki kynhun ki ban sa iashim bynta ha katei ka lymnpung mynta u snem kidon baroh 16 tylli kiba na kylleng ki jaka jong ka Jylla bad na ka liang jong ka LSC ha ka jingpyniakap ia kitei ki team kala ioh ban pynlong hapoh ka ophis treikam jong ka HNN ha Nongstoiñ ia kaba la pyniaid da u President ka LSC u bah K.P Marngar bad u bah GJL Sangriang Chairman ka Tournament Committee.
Ban pyndep ia ka jingpyniakap ia ki team, na k aliang jong ka LSC kala leh ha ki ar tylli ki bynta katta na ka bynta ka Round kaba nyngkong lane ka Pre-Quarter Final la shna ia ka prokram ialehkai (generate Fixture) lyngba ka “Tournament Manager Mobile App” ha kaba ka Committee kan sa ioh ban ai jingtip (update) shaphang ka jingiaid bad ban pynmih ruh iaki jingtip ne khubor shaphang kane ka Lympung.
Ha kaba iadei pat bad ka jingpyniakap na ka bynta ki kynhun ki ban iakhun ha ka Quarter final bad Semi final pat, ka LSC kala leh lyngba ka Manual Simulation ha kaba nalor u President bad Chairman ka Tournament committee la iadonlang ruh u Bah S.L. Marngar , Secretary LSC , ki dkhot ka LSC ia kaba la sakhi lang ruh da ki nongthoh khubor.
Phi don ban ong eiei?