25 tarik yn iakhun ka Khliehriat pyrshah ia ka MLP ha ka lympung kynjatbol ha New Nongstoiñ.

Nongstoiñ, 22 Rymphang: Ka jingiakhun pre quarter final jong ka lympung 2nd Invitation Knock out Football Tournamement bala pyniaid da ka New Nongstoiñ Sport Social & Cultural Club (NNSSCC), kan long biang ha ka 25 tarik ha kaba ka kynhun ialehkai jong ka MLP kan iakhun pyrshah ia ka kynhun ialehkai jong ka Khliehriat.

Katei ka jingiakhun ka ban long hapdeng kitei ki ar tylli ki kynhun kan sdang ha kapor 1:30 PM ha ka madan jong ka shnong New Nongstoiñ bad la khmih lynti ruh ba katei ka jingiakhun pre quarter final khlem pep kan long kaba itynnad bha.

 

Kumta na ka liang jong ka NNSSCC sa shisien ka khot ka wer ia baroh ki paidbah riew ieid phutbol jong ka thaiñ ba kin wan ban sakhi ia katei ka jingiakhun ka ban long hapdeng kitei ki ar tylli ki kynhun.