Shillong: Ki shipai iada khappud lane ki Border Security Force (BSF), ki la ioh kurup kyiad na thain Borsora South West Khasi Meghalaya. Ha ka 20 tarik nohprah 2019 haka por 9 baje mynstep ki shipai jong ka 170 BN BSF ki la ioh ban kurup haduh 25 synduk ka kyiad ba shondor kumba 65,916 tyngka na khappud ha ka shnong Borsora.
Lyngba ka jing ioh jingtip ba don ki briew ki ba mut ban shalan tuh ia ka kyiad sha ri Bangladeh lyngba ka khlaw, ki shipai BSF ki la pynap shyrip ia ki kynhun ban pyn pulom ia ka jing thmu jong ki briew bym ithuh satia. La ioh jing tip ba ia kine ki kyiad la wanrah na ka shnong Nongjri ka ba hap hi hapoh ka South West Khasi Meghalaya.
Lyngba ka jing ioh kurup kyiad myn hynnin ka step ki shipai BSF mynta u snem ki la ioh ban kurup haduh 1915 ki bilor kyiad ki ba shongdor haduh 2,76,735 tyngka.
Phi don ban ong eiei?