25 percent pynkiew dor ka sorkar, ia ka kyiad

Shillong: Ka sorkar Meghalaya mynta ka sngi kala shim iaka rai ban pynkiew dor iaka kyiad kumba 25 percent hapoh ki dukan naduh 8 tarik jymmang 2020.

Ka sorkar ka la shim ia kane ka rai kum shi bynta ban ioh lum khajna kham bun naka bynta ban lang Pisa ban pyndap ban iakhun pyrshah ka jing pang ‘corona virus’ hapoh ka jylla.

Kumban shu pynkynmaw ka sorkar Meghalaya dang shen kala ioh lum khajna haduh 6 klur tyngka naki dukan kyiad kiba la plie naduh 4 tarik jymmang 2020.

“Ka jing pynkiew dor iaka kyaid hapoh ka jylla kumba 25 percent kan iarap iaka jylla ban ioh lum khajna kumba120 haduh 130 klur tyngka” la pynshai haka kyrwoh naka tnat Excise ka jylla.

Lah ban kdew ba ka sorkar jylla naka bynta u snem 2019-2020 kala ioh lum haduh 260 klur tyngka naki dukan kyiad.