24 tarik, yn tian bishar ia ka ain iathoh shong kurim ka sorkar

Shillong, 9 Naiwieng:
U Pastor Senborly Diengngan u la mudui sha ka Meghalaya High Court pyrshah ia ka sorkar jylla halor ka aiñ shongkha shongman jong ka sorkar jylla ne ka Meghalaya Compulsory Registeration of Marriage Act, 2012 namarba katei ka aiñ ka ia tyngkhuh bad ka aiñ pyniathoh shongkurim ki Pastor kaba la pynkupbor da ka Indian Christian Marriage Act,1872.
Ka ing bishar ka la tian bishar ia katei ka kam mynta ka sngi ka 9 tarik u naiwieng hynrei la pan por da u nongiasaid ka sorkar na ingbishar bad la rah ban tian bishar biang ia katei ka kam ha ka 24 tarik u naiwieng. Lah ban kdew ba ka la don ka jingiakynduh ki pastor ban ki bor ka district Council mynhynnin ka sngi ban ia kren ia katei ka kam bad ki Pastor ki la pynpaw ba kate ka aiñ ka sorkar kan pynsting thew ia ka jingioh bor jong ki ba pyniathoh shongkurim.