24 Nailur, deng lama iong ka EJNC

Shillong, 23 Nailar:
Ka Central Executive Council (CEC) jong ka East Jaintia National Council (EJNC)-Central Council ha ka jingialang ba la pyniaid da u Bah Shanbok L Syad, President Rangbah ka Seng, ka ba la pynlong ha ka 22 tarik mynta u bnai ka la rai ban pyndeng lama iong ha East Jaintia ha ka 24 tarik u bai ban wan kum ka dak ka jingpyni ia ka jingsngewsih kthang namar ka jingshah siat iap ki 2 ngut ha ka 24 tarik u nailur, 2014 ha Mookhep.
Ha kane kajuh hi ka sngi, ka EJNC kan pyn long ruh ia ka jing thang Mombati ha katei kajuh ka jaka kum ka dak jong ka jing kynmaw burom ia ka lyngkhuh sngi iap ba shisnem jong kito ki ar ngut ki khun ka District kiba lah khlad noh ha kato ka sngi kiba kynthup ia kawei ka longkmie bad u wei u samla ba na ka shnong Wapung (skur).