24 kynta, ai por ka KSU, ban weng kam, ia arngut ki nongtrei ka Topcem

Shillong: Ka seng Khasi Students Union (KSU) Narpuh circle lem, ki la dawa ba dei ban weng kam noh ia ki ar ngut ki nongtrei jong katei ka Topcem kompeni, kiba dei ki bar jylla kiba donkti ban pynshit bad bthah ruh ia ki pulit ban shoh ia kiba pyrshah ia ka jingialang paidbah, hynnin ka sngi.

Na ka liang jong ka KSU Narpuh circle, ka la ai por tang 24 kynta ia katei ka kompeni ba kan wengkam noh ia kitei ki ar ngut.

Ka seng kan sa leit ruh ban ujor noh da ka ejahar ia kine ki arngut kiba donkti ban pynshit bad kynshoit.

Haba pynshai pat ia ka jingleit hiar jong ka seng sha katei ka jaka, u wei na ki nongialam jong ka, u la ïathuh ba ka jingleit jong ki ka long beit ban pyrshah ia ka jingkyntiew ka jing pynmih dewiong, namar ba ka ktah ia ka mariang, hynrei ym da kiwei pat ki lynti.