24 hajar ngut ki bar jylla ba rejister

Shillong, 18 Nailur:
Ki nongbylla bar jylla ba la wan bylla ha kane ka jylla ki don baroh 24933 ngut ba la rejister bad ka sorkar haduh mynta. Ia kane la iathuh ka myntri nongbylla ka Kong Ampareen Lyngdoh ha iing dorbar synrai ba dang shu kut shen.
Ka myntri ka la ong ba kine ki nongbylla ba la rejister ki dei ba la trei ha ki kontaktor bad la rejister ia ki katkum ka ain Inter State Migrant Workmen (Regulation of Employment and Conditions of Service) Act 1979.
Ka la ong ba la rejister ia ki ha kylleng ka jylla lyngba ki Labour Inspector kiba la shong ha man ki jaka ha ka jylla naduh ki Block, shi bynta kum ka jingpyntreikam ia ka ain bylla.
Katkum ka ain, ka la ong, ki nongai bylla ne ki kontraktor ki dei ban ai ia ki jingtip bniah ia ki nongbylla ban pynthikna ba kim nym don ki nongbylla ba wan beain kin ioh kam bylla ha ka jylla.