23tarik, yn wan u myntri kam pohiing ka India ha Shillong

Shillong:Ka Sorkar Jylla ka pyntip ba kan nym don kano kano ka jingshah pynthut ha ka jingwan hiar jong u Myntri kam pohiing ka Ri India bad ka Sorkar Jylla ka dep peit bad pynbiang bha ki lad ki lynti ba ka jingwan jong une u myntri kam pohiing kan iaid beit iaid ryntih bad ba kan nym mih kano kano ka bym dei ban mih ha kane ka sngi.

U Amit Shah un wan hiar ha ka 23 tarik u Kyllalyngkot 2021, la ong u Myntri Rangbah ka jylla, u Conrad K Sangma. Ka jingwan jong u myntri kam pohiing, ka long na ka bynta ka jingialang plenary jong ka North Eastern Council(NEC) ha kaba ki myntri rangbah jong kiwei ki jylla ka dong shatei lam mihngi ruh kin wan ia shim bynta lang.