23tarik, rah lama iong ki Sein Raij, bym ai shuti U DC West Jaintia

Shillong,21 Naitung:
Ha ka 23 tarik mynta u bnai ka Sein Raij Tuber ka la shim da ka rai kaba tyngeh kata ban ia rah lama iong ha khmat ka ophis U DC Jowai, kum ka dak jong ka jingpyr shah ia ka jingkuman u Deputy Commissioner ka West Jaintia hills u bah P.S Dkhar ban ai shuti ia ki khun ka Sein Raij Tuber ha ka 24 tarik mynta u bnai, namar ba ka dei ka sngi lehniam Behdein khlam jong ki.
Na ka liang ka Sein Rain Tuber ka la dep ban ia kren bad u Dc ka West Jaintia halor katei ka phang, hynrei u DC u la kren shai sha ki, ba un ym lah ban ai shuti, namar ba la dep ban ai shuti hapoh East Jaintia Hills, u DC u la ong ba ia mynta un ym lah ban ong eiei bad u kloi ban ai da ka shuti ba kyr pang, na ka bynta ki nongtrei ba donkam ban leit sha katei ka jinglehniam.
Haba ia kren bad u nongthohkhubor u Vice President ka Sein Raij u bah H.Phawa u la ong ba ka Sein Raij ka kynthuplang ia ka East bad West Jaintia Hills , kaba tang ha West Jaintia Hills ki don haduh 27 tylli ki shnong kiba hap hapoh ka Sein Raij Tuber, kiba kynthup ia ka shnong Moopyut,Khlieh Tyrshi bad kiwei.
Katkum ka jingiathuh ki lad khubor ki la ong ba ka katei ka jinglehniam behdein khlam ha katei ka Sein Raij ka ju long manla u snem bad mynta u snem la pynlong ha ka 24 tarik mynta u bnai.