23,981 kiba leit thep vote ha u 2013 ha Nongstoin

Shillong, 20 Naiwieng:
Lashai ka sngi ka 21 tarik u naiwieng kan dei ka sngi ba ki paidbah ka Nongstoiñ konsti twensi kin ai ia ka rai hano kin bynshet ia ka kam nongmihkhmat (MLA) ban mih bujli ha ka jaka u Maieid Hoping uba la khlad noh na kane ka sla pyrthei. Ki la don haduh 4 ngut ki kyrtong ki ban ia iareng ha katei ka elekshon shiteng samoi ha Nongstoiñ bad kitei ki long u bah Diosstar Jyndiang na ka seng HSPDP, u bah Gabriel Wahlang na ka seng Congress, ka kong Fenella Nonglait ka kyrtong shimet bad u bah Mosklander Marngar u kyrtong ka seng UDP.Ha ka elekshon MLA 2013, nalor u Maieid Hoping na ka seng HSPDP, kiwei ki kandidet, ki long u Dr.Adviser Pariong ka seng Congress, u bah Nasar Marweiñ ka UDP, u Setsingh Dkhar ka NPP bad u Mathiewly Nongrem kyrtong shimet u ioh 127 vote.Haba phai sha utei u snem 2013 bad une u snem mynta la iohi ba baroh ki kyrtong kiba ia khun mynta ka kynti ki dei ki kyrtong kiba dang shu mih thymmai lut, bad ym don uwei ruh uba la aireng teng ha ka elekshon ha Nongstoiñ konstitwensi. U Dr.Pariong u dei u briew uba la rim hynrei um shym la ia khun pat ha kane ka kynti ba mynta hadien ba u la shah pynduh tiket ha ka seng Congress hynrei u la leit ban kyrshan noh ia ka seng HSPDP.Ha utei u snem 2013 lah ban pynkynmaw ba na ka 26786 ngut ki nongthep vote kiba la leit ban thep ia ki vote jong ki ka long 23981 ngut bad ha ka jingkheiñ percentage ka la poi sha ka 89.53%. Ki nongthep vote kynthei ha katei ka snem ki long haduh 13134 katba ki shynrang pat ki long 13652.