23 tarik dap 100 snem ka Umsyiem

Shillong, 18’lyngkot:
Kan Dorbar shnong Umsyiem kan plie noh ia ka jingrakhe dap 100 snem katei ka shnong kaba la lap naduh u snem 1915, yn plie ia katei ka jing rakhe ha ka 23 tarik mynta u bnai ha ka por 10 baje mynstep ha madan skul shnong. U bah D.D La pang , u nongai buit ai bor ka sorkar un long kum u kongsan ha katei ka sngi.
Ka Dorbar shnong ka la khot la wer ia baroh ki para shnong bad ki khun jong ka shnong Umsyiem kiba sah shabar ka shnong ban ia poi lang ha katei ka sngi bad por ba la buh. Yn khang ia ki nongshong shnong ba kim bit ban mih sha bar jong ka shnong hakatei ka sngi khnang ba baroh ki nongshong shnong kin ioh ba ia shim bynta lang. Ha katei ka sngi kin don ruh ki prokram ba pher ba pher, kaba yn long ha baroh shisnem, ki pro kram ha katei ka jing rakhe kin long ruh da ka jingiakop king lieng ha ka 4 bad 5 tarik u rymphang, ka jingpyni nam soh manir ha u bna jymmang bad ka sngi pynhap pyrda ha u nohprah, 2015, kitei ki dei ki prokram ba kham kongsan.