|
Jowai: Ka Phlim INAMORATO, Jaintia Phlim kaba la shna bad pynwan dur da u Samla Jimmy Raul Kharmuti, yn sa pyllait paidbah ha Bijou Cinema naduh ka 23 tarik haduh 29 tarik mynta u Bnai.
Ka jing thrang dik dik jong ki paroh para snam ban ioh sakhi da la ki khmat ia kane ka phlim kaba
kren halor ka nongrim ka jingjot ka shongkha shongman bad ki jingsniew kiba mih bad ktah ia ka
imlang sahlang la lah ban pynurlong mynta da ka jingioh lad ban pyni paidbah ia kane ka Phlim
ha Shillong. Haba iakren bad ki katto katne ki riew rangbah bad ki longkmie ki la ong ba ki
thrang dik dik ban iohi ia kane ka phlim namar ka long ka phlim kaba ktik jingmut bad kaba don
nongrim.
 U Director kane ka Phlim INAMORATO, Samla Jimmy Raul Kharmuti ula ong ba ka don ka
jingkyrmen kaba khraw ba ki paradoh para snam bad baroh ki nongshong shnong jong ka jylla
kin wan ban ai ka jingkyrshan ia kane ka Phlim da kaba ki wan ban sakhi lada ki jong ki khmat ha
Bijou Cinema Hall. Na ka liang jong ki Tynshop u Mutshwa Thabah ula ong ba ka jingkyrshan bad
ai mynsien jong ki paradoh parasnam ka long kaba kongsan ha ka ban pynkiew ia kane ka phlim.
Ki arngut ki Puron jong ka Phlim INAMORATO i Kong Nancy Kharsati bad i Kong Jenny Lyngdoh
ki kyrpad jur ia baroh ki para Kur bad ki paradoh parasnam ban kyrshan kyrpang ia kane ka
Phlim da kaba iawan paidbah ban kyrshan kyrpang ia kane ka Phlim ha Bijou Cinema Shillong.
|