Shillong:Ka sorkar Meghalaya, ka la phah ia arngut ki nongtrei jong ka tnat pule puthi, ba kin leit sha Karnataka, na ka bynta ban iakren bad ki bor District lem bad ki kmie ki kpa jong ki khynnah skul, kiba dei na Meghalaya. La phah ia U Bah P Sunn, Sub Inspector of Schools, Sub Divisional Schools Education Officer, Shillong bad U bah R Kharsyntiew, District MIS, PM Poshan, Shillong bad kitei kin ai ia ka kaiphod kaba biang sha ka sorkar jylla, halor ka jingjia, kaba iadei bad ka jingiap jong uwei u khynnah skul, uba dang 13 snem ka rta lem bad sa shibun kiwei kiba iohpang na ka jinglong bih ka jingbam bad kiba dang dang shah sumar ha ki hospital bapher. Katei ka kyrwoh, ka long kaba la pynmih da U Swapnil Tembe, IAS, uba dei U Director School Education and Literary, jong ka sorkar Meghalaya.
Ha kawei pat ka khubor, ba la pyllait da ka sorkar jylla, la pyntip, ba ki khynnah kiba don ha Mandya Institute of Medical Sciences, Mandya bad kiba shah sumar na ka jingpang kpoh lane ka acute gastroenteritis, ki kynthup ia U Namebantie, uba don 12 snem ka rta, ha kaba la pynkynriah sha Apollo Hospital, Mysuru, nangta U Haban Dkhar, uba dang 13 snem ka rta, u khun jong u Kyrmen Phacoa, uba na Chamcham East Jaintia hills, U Laban Pynrkheu, uba 10 snem ka rta, uba dei u khun jong u Banteilangu, uba na Nongstoin, West Khasi hills, U Arwan Iakai, uba dang 10 snem ka rta, uba dei u khun jongu Halgi Lytep, uba na Chamcham, East Jaintia hills, U Kyrdaniki, uba 13 snem ka rta, uba dei u khun jong U Peiri, uba na Rangad, East Jaintia hills, U Batngenlang, uba 13 snem ka rta, uba dei u khun jong U Bhalok, uba na Pynursla, East Khasi hills, U Kitburom Sungoh, uba dang 12 snem ka rta, uba dei u khun jong u Rilang, na Mukhap, West Jaintia hills District, U Devi Kumar, uba 10 snem ka rta, uba dei u khun jongu Masterli na Shangpung, West Jaintia hills District, U Khrawbok, uba 14 snem ka rta, uba dei u khun jong U Titlang, uba na Shangpung, West Jaintia hills district, U Kheinkor uba 12 snem ka rta, u khun U Marso Khyriat, uba na Mookyndur, West Jaintia hills District, U Damebantei, uba 10 snem ka rta, u khun jongu Bonboklang, uba na Lawse, Nongstoin, West Khasi hills, U Freddy, uba 12 snem ka rta, u khun jongu Nidaohi, uba na Khliehriat, West Jaintia hills, U Pyniarlang uba 12 snem ka rta, u khun U Blonter, uba na Wahkhen, East Khasi hills District, U Piarmon, uba 14 snem ka rta, u khun U Soi, uba na Chamcham, East Jaintia hills, U Errich, uba 13 snem ka rta, u khun U Jesus, uba na Khliehriat, East Jaintia hills, U Hamekupar Dkhar, uba 12 snem ka rta, uba dei u khun jongu Jam, uba na Khliehriat, East Jaintia hills, U Kyrshanlang 14 snem ka rta, uba dei u khun jongu Rikor, uba na Tyrsad, East Khasi hills, U Batskhem Miki Sayoo, uba 15 snem ka rta, uba dei u khun jongu Hamdiaw Iakai, uba na Shangpung, U Vicky Dkhar, uba 15 snem ka rta, uba dei u khun jongu Thomas Phawa, uba na Chamcham, U Namebantei Sungoh, uba 15 snem ka rta, uba dei u khun jong U Chiroop Sayoo, uba dei na Nongstoin, U Baiarlang Buhtep, uba don 15snem ka rta, uba dei u khun jong U Aion Tynsong, uba na Mawlam, u Nellfordstar Nongsiej, uba 15snem, uba dei u khun jongu Warlesstar Wahlang, uba na Shangpung, u Defendme Dkhar, uba 16 snem ka rta, uba dei u khun jongu Tenbang, uba na Chamcham.
Phi don ban ong eiei?