Shillong: U Myntri ka tnad ka koit ka khiah ka jylla, u bah AL Hek u la ong mynta ka sngi hapoh ka iing dorbar, ba ka jingpynrung kyrteng ia ka MHIS-IV ka dang iaid ha ki PHC bad CHC ka sorkar bad kito ki briew ki bym pat dep, ki lah ban leit sha ki ban pynrung kyrteng.
U la jubab ia kane ia ka mat ba la wanrah da u MLA ka Nongpoh u bah Mayralbon Syiem, uba pynpaw ia ka jingsngew khia ia ka jingbym ioh pynrung kyrteng ha ka MHIS-IV kiba bun ki paidbah namar ba kiba leh ki shim tang 30 ngut shi sngi bad bun kiba wan na jaka nongkyndong ki hap leit phai thylli bad kane ka la buh ka jingsngewsih ia ki.
U bah Hek u la kam ruh ba ka pyntreikam ia ka MHIS-IV ka la kiew bha ka jingdon kiba ioh jingmyntoi namar ba ki hospital ha kylleng ki jaka ha ka ri, ki la pdiang ia ka MHIS-IV.
“Haduh ka 30 tarik Nailar 2019, ki don 41728 ngut kiba la wan ban kam ban ioh jingmyntoi na ka MHIS-IV ha ka jinglut kaba la kot sha ka 30 klur bad 33,535 ngut ki la ioh ia ka jingiarap kaba la kot sha ka 22 klur’, la ong u bah Hek.
U la ong ba tang ha Assam ki don 170 tylli kiba la pdiang ia ka MHIS-IV bad haduh mynta ka jingdon ki briew ba ioh jingmyntoi na kane ka skhim bai sumar ka sorkar ka la kot sha ka 54 percent.
U bah Hek u la ong ba ka Tata Memorial Hospital and Research Centre, Mumbai, AIIMS-Patna, Park Hospital-Gurugram bad kiwei ki la pdiang ia ka MHIS.
Bun ki bum pat ioh ban pynrung kyrteng ..lada ka sorkar kan buh kham bun ki nongtrei ki ban leit ha man la ko shnong kum mynshwwa te kan kham bha shibun