Shillong: Ka CoMSO, kan pynlong biang ia ka jingiakhih ban dawa pyntreikam noh ia ka ILP bad kumjuh ruh ban dawa na u Lat ban soi noh ia ka MRSS amendment bill 2020.
La ia rai ruh, ba ha ka 21tarik mynta u bnai, kaba dei ka Meghalaya day, ba yn pynlong ka jingiakhih, halor ka jingmynthi ka sorkar India bad ka Sorkar Meghalaya ban pyntreikam noh ia ka ILP, ka jing bym pat soi u lat ia ka MRSS amendment bill, ka jing bym pat pynbeit ia u pud u sam ka Jylla, ka jing sah kut sah ka ishu them metor bad kumjuh ruh ka jing dawa ban pynrung ia ka ktien khasi ha ka eight schedule.
Namar ka don ka jingthmu ba u Amit Shah, Union Home minister ka India u thmu ban wan Sha shillong bad ka donkam ban ioh ia kren markhmat bad u ban ia shai noh halor ka resolution jong ka ILP bad ka MRSS amendment bill 2020, la shim shwa ban don da ka jingiakhih ba jai jai.
Kumta ha ka 21tarik ha baroh ki nongbah jong ki District, ka jylla, yn pynlong ia ka jingthang bombati kaba yn khot ka kyrteng “Ka Sngi sngewsih ia ka mynthi ki Korbar ri ” bad yn thang bombati ha ka por janmiet naduh 3 haduh 6 pm ha kaba ha Shillong yn pynlong ha Madan Malki.
Ha katei ka sngi , yn pynlong ruh ka jing sngap jar kaba 2 minit ban kynmaw ia kito ki riew ialeh hill state kiba la len lade bad yn pynlong ruh ia ka jingiathap kti kaba 2 minit eiei ban ai burom ia baroh ki nongialeh hill state, ong ka kyrwoh na U Bah Roykupar Synrem, Secretary , CoMSO.
Phi don ban ong eiei?