211ngut kiba ioh pang thymmai, 2ngut kiba iap covid

Shillong: Kiba ioh pang covid mynta ka sngi, ki don 211ngut, kiba jem ki don 375ngut bad kiba iap, ki don 2ngut.

Baroh kiba don jingpang covid, ha ka jylla, haduh mynta, ki long 1,839ngut bad kiba iap, ki la poi baroh sha ka 1,538 ngut.

Ka East Khasi hills, ka don 88ngut bad ka West Garo hills, ka don 54ngut kiba ioh pang thymmai.

Ki nongtrei ka koit ka khiah, ki don 7ngut kiba ioh pang ha East Khasi hills, ha Nongthymmai, ki don 6ngut kiba ioh pang thymmai, kiba wan na shabar ki don 7ngut. Kiba iap ki don 2ngut, iwei na East Khasi hills, iwei na West Garo hills.