21 ngut na ki 69 ngut ki ioh COVID-19 ha ka ‘Random Test’ ha ar-tylli ki dong ha Nongpoh

Nongpoh: Mynta ka sngi, ki briew ka koit ka khiah ha Ri Bhoi, ki la pynlong ia ka jingtest naphang (Random Test) ha ar-tylli ki Dong kiba hap ha Sor Nongpoh bad lyngba katei ka Random Test, la ioh ban Test kumba 69 ngut ki riew paidbah bad na kitei 69 ngut, 21 ngut la lap ba ki la shah ktah ha ka jingpang COVID-19.

Kitei ki ar-tylli ki Dong, kiba ki briew ka koit ka khiah ki la leit ban pynlong ia katei ka Random Test, ki kynthup ia ka Dong Centre Gate, ha kaba ki la ioh ban 36 ngut bad na kitei la lap ba 12 ngut ki ioh positive, katba na dong Downgate la test ia 33 ngut bad kiba la paw ba ki la ngat ha ka khlam COVID-19 ki don haduh 9 ngut.