200 tylli ki trok, bat ki pulit Ri Bhoi ba kit palat u dewiong

Nongpoh, 23 Iaiong:
Ki Bor Pulit ka Ri Bhoi, hynnin ka miet ki la ioh ban bat haduh 200 spah tylli ki Trok kiba la kit pud ia u Dewiong, hadien ba la lap ba ki la pynkhein ia ki kyndon katkum ba la bthah da ka National Green Tribunal (NGT).
Katkum ka jingiathuh da u Ramesh Singh, Superintendent of Police ka Ri Bhoi, la ong ba ka jingioh ban kem ia kitei ki Trok kiba kit palat pud ia u Dewiong, ka dei hadien ba ki la pynieng beain ha kiba bun ki jaka, harud jong ka Surokbah NH-6 ha Ri Bhoi.
La iathuh ruh, ba kane ka jingioh ban bat ia kitei ki Trok, ka la jia ruh hadien ba ki Bor Pulit ha ryngkat ki Majistor ka Ri Bhoi, hadien ba ki la ioh ia ki jingujor halor ka jingdon ki Trok kiba kit palat pud ia u Dewiong, kumta ki la hiar mardor ban bat ia kito kiba la pynkhein ia ki kyndon ka NGT.
Kine ki Trok kiba la kit palat pud, ki dei kiba thmu ban iaid lait na ka Weigh Bridge kaba don ha 13Mer, Byrnihat, ha kajuh ruh ka por ki don ruh napdeng jong kine kiba la shah bat ba kim lah satia ban pyni ia ka Challan ka sorkar bad kaba long ruh katkum ki kyndon ka NGT, la bynrap u Romesh Singh.
Kumta haba iadei bad kine ki Trok kiba la kit palat pud, ki Pulit ki la ujor ruh da ka ejahar pyrshah ia kitei ki Trok kiba la pynkhein ia ki kyndon jong ka NGT.