Shillong:Ka pung Umiam ka la ipang met ban peit, namar la sop ki jaboh kiba la pyntuid na nongbah Shillong lyngba ki ar tylli ki wah, ka wah umkhrah bad ka wah umshyrpi. Kine ki jaboh ki wan tuid na ka jingjaboh jong ki jingmut jingpyrkhat jong ki briew kiba la pynlong ia ki wah kum ki jaka bret jaboh khlem da tip ba kan long ka jingktah kylla.
Kumba 20 ton, man ka sngi ki jaboh ki tuid sha kane ka pung bad ka jingjaboh ka long kaba la jubor haduh katta katta naduh ki plastik, ki tiar jri, ki nar ki bym lah satia ban pyut. Mynta ka sngi, ka Smart Village Movement ryngkat ka jingiatreilang bad ka kompeni Clearbot na Bangalore, lyngba ka jingai bor ka sorkar, ka la pynlong ia ka jingpyni nongmuna ia ka lieng tong jaboh kaba la wanrah da kane ka kompeni bad lada ka la biang, ka lah ban shim ban pyntreikam ia ka ban pynkhuid ia ki jaboh.
La iakren bad u bah Pynshai Marpna uba dei u Project Leads ka Smart Village Movement, uba la iathuh ba kane ka dei tang ka jingpyrshang ne ban pyni kumno kane ka mashin tong jaboh ka treikam kaba la wanrah da kane ka kompeni bad ka shong pat ha ka sorkar lada ka ibiang, ka lah ban pyndonkam syndon ban pynkhuid ia ka pung Umiam.
“Ka Smart Village Movement ka don ka thong ban wanrah ia ka jingkhuid jingsuba bad mynta la iatreilang bad ka Clearbot ban pyni nongmuna ia ka tiar ba ka lah ban tong ia ki jaboh”, la ong u bah Pynshai.
U la ong ba kane ka dei tang ka jingpyni nongmuna hynrei ka shong pat ha ka sorkar ba kan leh lada ka ibiang. “Kane ka dei tang ka jingpyni ia ka nongmuna kaba la neh saw sngi bad la poi spah kilo ki jaboh ba la tong. Kane ka dei ka jingpyni nongmuna kaba kut bad nangne shakhmat kan shim rai ka sorkar kumno ban leh”, la ong u bah Pynshai.
U Utkarsh Goel bad u Sidhant Gupta kiba dei ki nongseng jong kane ka kompeni, ki la iathuh ba ki la wan ban pyni ia ka rukom treikam kane ka lieng tong jaboh ka dei kaba khlem donkam briew hynrei la pyntreikam da ka bor remote control ha kaba ka lah ban tong jaboh kumba 200 kilo shi sngi hynrei ki don ki lieng tong jaboh bun kiba lah ban wanrah ban tong bun kilo ki jaboh ha ka shi sngi.
Ka pung Umiam ka la kylla rong jyrngam bad lati bha na ka jingjur palat ki jaboh kiba tuid khlem sangeh baroh arphew kynta na kine ki ar tylli ki wah na sor Shillong, kaba don kumba 5 lak ngut ki nongshong shnong.
Lada ki jaboh ki poi 20 Ton haka shisngi bad ka tei ka Lieng tongjaboh ka lah ban tong Tang 2 kwintal Haka shisngi,Te tharai kan shim por katno spah snem ban tonglut ia ki jaboh bala tuid naduh bala shna ia ka Dam haduh kine ki sngi,bad ki ban dangtuid katba dang iaid ki por.
Hoid nga don ban ong,bah rupang ,lane kong rupang,20 ton sngi kaba wan tuid,ban tong tang 200 kelo to seh pyni kane message na kin wan rah kaba tong 20 ton 1 kg kan Duna hynrei te ioh shah tap pynban ka to ka machin haka jaboh