20 tarik yn khanglut ki skul Katholik ha ri Lum Garo

Shillong: Ha ka 20 tarik mynta u bnai baroh ki skul bad ki kolej kiba pyniaid da ka Balang Katholik kin khanglut ha ri Lum Garo. Ia kane la pynbna da ka Garo Hills Catholic Union (GHCU), katei ka rai ka deikum ka dak ka jingpynrem bad ka jingpyrshah ia ka jingshah thombor bad shah lute jong ki Parish Katholik kiba don ha katei ka thaiñ ha kine ki khyndiat sngi bad ban dawa ruh na ki bor sorkar ba kin kem ia ki briew kiba donkti.
Ha kine ki khyndiat sngi ba la dep, ka la don ka jingshah shoh jong ki phadar kiba dei ki Parish Priest bad ki la shah lute ruh ha kaba ki runar ki la leh ia katei ka kam ha ka por ba ka don ka jingpynlip ding. Ki la don 6 tylli ki Parish kiba la shah thombor bad kitei ki long ka Dawagre, Chokpot, Dalu, Garobadha, Tikrikila bad Samanda.