20 percent, kiba iap na ka covid, shwa ban poi ha hospital

Shillong: Ki don 20 percent, kiba iap na ka khlam covid, kiba la shu leit rah sha hospital, ynda ki la dep iap lypa, ong ka khubor jong ka National Health Mission (NHM) Meghalaya, mynta ka sngi.

Katei ka khubor jong ka NHM Meghalaya, ka ong ba ka daw, ka dei na ka jing pynslem jong kiba ioh ia katei ka jingpang ban test ialade bad ban shah sumar ruh bad katei ka dei ka daw, ba ki la bun kiba iap noh ha lynti, ban leit shah sumar sha hospital, lane kiba la iap noh mar ia poi ha hospital.