20 ngut ioh syrnot na ka Beauty Parlour ha Mairang

Shillong: Ka Beauty Parlour ba longtrai da ka Kong Iada Hujon na ka shnong Mairang bad ka ju hikai ei ia kino kino ki samla kiba don ka sap bad ka mon ban wan shah hikai sha kane ka jaka ai jinghikai, hynnin ka sngi,kata ha ha 5 tarik Jylliew 2019 ka la sam ia ki sertiphiket sha ki 20 ngut ki samla ba la pass ia ka training na kane ka Centre, ha kaba I Kong Liza Kharpomtiah na ka Basin Development I la sam ia ki sertiphiket sha kitei ki khynnah.Ha kane ka jing sam sertiphiket la ia donlang ruh ka Kong Rose Kharsyntiew na ka Rainbow CSC Mairang.
Haba ai jingkren ha katei ka jingialang, ka Kong Rose Kharsyntiew ka la ong ba ka Banet’s Beauty Parlour kaba don ha Shnong Mairang kala long kaba nyngkong duh ban long ka Centre ban ai jinghikai ia ki samla ka shnong bad ka thain da kaba ia ki sertiphiket jong kane ka Beauty Parlour la sain da u Deputy Commissioner ka West Khasi Hills,District.
Ka nongseng jong kane ka dukan ai training ka kong Iada Hujon ka la ong ba kam poi pyrkhat ba kan long kumne namar ka la mad iaki jingeh ba bu ha ka por ba ka dang sdang nyngkong,phewse mynta ka la iohi ia u soh ba thiang.