Shillong: Ka jingwan rung kyrthep ki briew na Ri Bangladesh ha kine ki sngi ka la jia khah khah ha Nongbah Shillong, ki ba rungtuh lyngba ki jaka khappud, ha kaba mynta ka step jong ka sngi palei ka 03 tarik u iaiong 2025, ka Hynniewtrep Integrated Territorial Organization (HITO) Shillong City, ka la ioh bat haduh 4 ngut ki nong Bangladesh.
Ia kine ki 4 ngut ki nong Bangladesh ka seng ka la ioh bat mynta ka step ha Mawbynna, ba marjan bad ka skull All Saints.
Kine ki 4 ngut ki nong Bangladesh ki dangshu hiar na kali bad ban ap sa kawei ka kali ban leit sha Guwahati, hynrei mar kumta la lap noh ka seng HITO bad ban bat ia ki.
Ha ba kylli bniah na kitei ki nong Bangladesh ki ba wan rung tuh ki la iathuh, ba ki wan rung na Khapud Dawki mynta ka step, ha kaba ki thmu ban leit wad kam sha Guwahati.
Ki la iathuh ruh, ba ha kapor ba ki rung na Bangladesh sha Dawki u don u wei u briew, u ba kim shem la iathuh la u dei khasi ne Dkhar, uba la iarap ban rung ia ki sha India, da kaba shim 20 hajar marwei bad 80 hajar tyngka 4 ngut.
Kumta na ka liang ka seng HITO mar mar ka la aiti noh ia kine ki 4 ngut ki nong Bangladesh sha ki bor pulit.
Phi don ban ong eiei?