Shillong, 8 Rymphang:
Ka Wahlyngkhat Cultural & Sport Club ha ryngkat ka jingiatreilang ka All Meghalaya Dancer Association kawei na ka seng kaba paw khmat kaba ju kyntiew ia ki riew donsap ha ka jylla Megha laya ba la lam khmat da u bah Kitbok Thabah kan pynlong ia ka Riwar Got Talent ha ka 20 bad 21 tarik.
Ka jingthmu ban pynlong ia kane ka rynsan ka long ban sei ia ki riew donsap na ka thain riwar baroh kawei. Katei ka Club ka ngeit skhemba baroh ki samla donsap ka thain Ri-War kin mih ban madan ban sei ia la ki jong ki sap jong ki ha katei ka rynsan.
Ha katei ka jing ia pyni sap la shah lut ia baroh ki jait sap la ka long ha kano kano ka sap kaba ki don. Ka Club ka kyntu ruh ia ki riew donsap ba kin ym pynsepei ha kane ka kabu ba la pynlong kyrpang na ka bynta ki riew donsap.
La pdiang ia baroh watla ka long na kano kano ka thaiñ war yn pdiang beit bad ki dei ruh ban wanrah ia ki kot ki sla ha kaba iadei bad ka jingpynshisha ba u/ka dei nongshongshnong jong ka thaiñ riwar.
Kin don ruh ki khusnam ia ki nongjop ba nyngkong, ba ar bad ba lai ryngkat ki jingai sngewbha sha ki hynñiew ngut kiba bud nadien.
Ha kaba ia dei bad kane ki jingtip ba kham bniah shaphang ka rynsan Riwar Got Talent phone ha kine ki number 8259806927, 9774125317.
Ha kaba ia dei bad ki phom, Tiket bad kiwei de ki jngtip, la ong ia kito kiba kwah ban ia shim bynta ne ban peit kai ruh, ba kin sngewbha ban phone ha kine ki number 9615336553, 9615610082.
Kane ka long katkum ka kyrwoh khubor ba la phah da U Bah S. Jaktung General Secretary ka Wahlyngkhat Cultural & Sport Club, kaba dei ka seng, kaba pyniaid ia katei ka jingiakob.
Phi don ban ong eiei?